Washington, 05 April 2025: Iran laga President laga kotha alob din pichete ahishe, US President Donald Trump March 30 te Tehran ke bomb aru secondary tariff threat diya piche, jodi Iran Washington DC logot nuklear programme laga agreement nakure.
Trump NBC logot ekta telephone interview te koise, “Jodi tai khan deal nakurile, bombing hobo.” Tai aru koise, “Direct kotha kuri le fast jai aru dusra side ke bishi bhal buje compared to intermediary para.”
Trump laga etu kotha ke response di kena, Iran laga President Pezeshkian koise: “Ami kotha kuri bole ready ase. Kintu promises bhangise, etu para problem banaise. Tai khan dikhabo lage ki trust banabole pare.”
US State Department response di kena koise: “President Trump clear ase United States Iran ke nuclear weapon lobole nadibo.”
Western desh khan, US laga lead te, bishi saal para Iran ke nuclear weapon banabole kosis kuri ase koi kena accuse kuri ase. Kintu Iran etu allegation ke deny kuri, koise ki tai laga nuclear programme civilian purpose karone ase.
Saturday din, Iran laga Islamic Revolutionary Guard Corps laga head Hossein Salami koise: “Ami war ke loikena tension nai. Ami war start nakure, kintu war karone ready ase,” IRNA news agency report kori dise.
2015 te, Iran ekta landmark deal sign kuri thakise UN Security Council laga permanent member khan logot, United States, France, China, Russia, UK aru Germany logot, juntu Iran laga nuclear activity regulate kuribo karone thakise.
Agreement te sanctions relief bi thakise, Iran laga nuclear activity control kuribo condition logot.
Kintu 2018 te, Trump laga first term te, United States etu agreement para bahar hoise aru sanctions wapas lagai dise.
Etu karone Iran bhi tai laga agreement te thaka commitment khan rollback kuri dise aru nuclear programme fast kori dise.
Add Comment