Israel khan gatli mani shey medic mura opor te Gaza te

Israel, 6 April 2025: Israel laka Army khan admit kuri shey ki taikhan laka soldiers khan galti kuri shey 15 emergency kam kura manu mura opor te southern Gaza te 23 March te. Palestinian Red Crescent Society laka convoy (PRCS) ambulance, ekta UN gari aro fire gari Gaza laka Civil Defence opor te goli mari shey Rafah osor te.  Israel khan originally koishey troops khan goli mari shey kileh koileh convoy toh suspiciously ahi thaki shey andhera toh eku headlight aro flashing lights nathaki na. Taikhan koishey gari hila toh previously co-ordinated kuranai nahoi leh army lokot agree kuri nai. Mobile phone footage te, ekta paramedics pra record kura kun muri jaishey, dikhi paishey gari khan lights thaki shey. Aro jokom hwa manu ke madat kuribo leh call ke jawab dishey. Israel Defence Force (IDF) khan koisehy at least chei jun medics toh Hamas lokot linked thaki shey- hoileh b echa tak proof nai. Taikhan admit kuri shey taikhan hatiyar thaki nai kicha soldiers khan goli mari shey. Mobile video, New York Times pra shared kura, dikhi paishey gari khan rasta te rukha, warning nadi kina, aro goli mara shuru kuri shey morning nahwa agae te. Video toh aro pas minute karne continue hoishey, tadeh paramedics Refat Radwan nam hoina, huni paishey tai laka last prayer koi thaka Israeli soldier khan gari te aha time awaz agae te. Ekta IDF official pra journalist ke briefed kuri shey Saturday din saam te, koishey soldiers khan etu agae te gari ke goli mari shey. Bitor te tinta Hamas members khan thaki shey. Kicha Ambulance toh jawab dishey aro jaka te ahishey, aerial surveillance monitors pra soldiers khan ke suspiciously ahi ase koina janai dishey.