Dominican Republic, 9 April 2025: At least 98 manu muri jaishey aro 150 opor jun jokom hoishey roof giri ja pichideh nightclub te Dominican Republic laka capital Santo Domingo te, officials khan pra koishey. Ekta provincial governor aro purana Major League Baseball pitcher Octavio Dotel b victim thaki shey. Dotel 51 saal hospital ja time te muri jaishey debris khan pra tana pichideh. Hatsa toh hoishey Tuesday din morning time te concert te popular merengue singer Rubby Perez laka Jet Set nightclub te. Tai b hatsa te muri jaishey, tai laka manager pra koishey. Hundreds nishina manu khan jaka bitor te thaki shey aro 400 rescuers khan echa b survivors khan ke bisari ase. Bhui ase death toll toh aro uthibo leh.
Emergency Operation Centre (COE) laka director Jaun Manuel Mendez, tai pra koishey tai hope kuri ase giri ja roof laka nichi te manu khan phasa toh zinda hubo leh. Jet Set toh ekta popular nightclub ase Santo Domingo te kun regularly dance music concerts host kureh Monday din saa te. Politician, athletes aro alak prominent figures khan b attendance te thaki shey. Victim bitor te Nelsy Cruz b thaki shey, Monte Cristi province laka governor, President Luis Abinader pra koishey. Tai toh purana baseball player Nelson Cruz, seven-time Major League Baseball All-Star, tai laka sister thaki shey. Dotel toh New York Mets khan karne 1999 te khili thaki shey aro Houston Astros, Oakland A’s, New York Yankees, Chicago White Sox aro Detriot Tigers khan nishina time karne khili thaki shey 2013 tak.
Club te video footage lwa pra dikhi paishey manu khan table te bhui thaka stage laka samne te aro music te dance kuri thaki shey pichi deh Rubby Perez gana kura time te.
Add Comment