Ukraine, 9 April 2025: Ukraine forces khan pra duita Chinese nationals ke duri shey kun Russian Army khan nimite fight kuri thaki shey eastern Ukraine laka Donetsk region te, President Volodymyr Zelenskyy pra koishey. Tai pra Tuesday din te koishey ki intelligence pra suggest kuri shey Chinese soldiers laka number Russia army te duita opor koileh bishi ase. Ukrainian Foreign Minister Andrii Sybiha pra koishey, Chinese troops Ukrainian territory te fight kuri thaka “China’s declared stance peace nimite opor te question hali ase”. Aro koishey taikhan laka envoy Kyiv te summoned kuri shey explanation karne. Etu first official allegation ase Ukraine pra kun toh China khan Russia ke manpower supply kuri ase. Echa tak eku immediate response nai etu khota opor te Moscow aro Beijing pra.
Social media platform X te statement te Zelenskyy pra koishey soldiers khan ke dhuri shey Ukraine laka eastern Donetsk region te identification documents lokot, bank cards milai kina kun toh ‘personal data’ thaki shey. Ukraine forces khan cheita Chinese soldiers ke jakara kuri shey aro duita ke prison te loi jaishey, tai pra koishey. Post lokot ekta video thaki shey. Tadeh dikhi paishey ekta alleged Chinese captives handcuffs te thaka, Mandarin Chinese khota kuri thaki shey aro recent battle describe kuri thaki shey. Tai pra koishey, moi khan khobor ase aro bishi Chinese citizens ase occupiers laka units te khali etu tinjun nahoi kina. Zelenskyy pra aro koishey, Russia laka involvement China laka, aro laka countries lokot, directly nahoi leh indirectly, etu war te Europe te clear signal ase ki Putin toh ki hoileh b kuribo war toh khotom kuribo leh. Ukrainian president toh United States, Europe pra jawab mangi ase aro duniya pra kun peace lageh.
Add Comment