Kerela, 12 April : Diamond Harbour FC Friday din I-League 2025-26 karone promotion confirm kori loi ase — aru etu club hoise prothom team juntu I-League 2 season 2024-25 para top-two finish confirm korise. West Bengal laga etu team Sports Academy Tirur ke 2-1 para harai dise Manjeri te, aru etu result logot taikhan laga promotion confirm hoise.
14ta match khelar por bi Diamond Harbour FC ekbar bhi har nai, aru Indian third-tier league pura dominate kori thakise. Taikhan etu season laga I-League 3 title jiti I-League 2 te qualify kori thakise, aru etiya promotion confirm kori loi 2ta match baki thakile bi. Kibu Vicuna laga team etiya April 19 din nola trophy jitor chance ase — jodi Diamond Harbour ekta point loi pay second-placed Chanmari FC logot, taikhan I-League 2 champions declare hobo.
Diamond Harbour FC etiya league te top position te ase, 34 points logot — 10ta jit aru 4ta draw ase. Chanmari second te ase 30 points logot, aru third position te ase Sporting Clube de Goa, juntu ekta shock 1-2 loss khai dise relegation fight kuri thaka NEROCA FC logot. Duita promotion spot majot ekta Diamond Harbour loi loi se, aru dusra spot etiya Mizoram laga Chanmari nai Goa laga Sporting Clube de Goa majot decide hobo.
Friday din Kerala te, Pintu Mahata (61’) aru Suprodip Hazra (79’) Diamond Harbour laga goal score kori thakise. Hosts khan karone Aqib Nawab 67th-minute te ekta penalty convert korise, kintu etu bacha nai. Mahata laga goal ekta dangor volley thakise 10 yards para, aru Hazra laga goal bhi top quality thakise — right-footed half-volley top corner te.
Relegation laga hesaap te, KLASA FC hoise prothom team juntu I-League 2 para relegate korise — April 10 din FC Bengaluru United logot 0-7 harar pora. Manipur laga ar ekta team, TRAU FC bhi etiya relegation spot te ase, aru taikhan laga city rival NEROCA FC para 5 points niche ase — juntu majot duita match baki ase.
Add Comment