Tripura, 15 April : Ek din uporot jitu unrest hoisil Tripura laga Unakoti district te thaka Kailashahar subdivision te, DG (Intelligence) Anurag Dhankar itu jagah visit korise aru police personnel logot ekta meeting korise.
Tension uthi jaise April 12, Saturday te, Kubjhar village te police aru protestor khan majot scuffle hobo pora. Etu protest rally Waqf Amendment Bill withdraw koriboleh demand korise, aru police khan etu rally rokhiboleh try korise. Tai karone protestor khan police logot ulta-palta hoi jai, aru report hisab te stone aru brick fekise security personnel logot. Police bhi mob disperse koriboleh force use korise.
Etu incident te police aru protestor duita side te kechu log injury paye.
Piche Tripura Police aath jon log ke arrest korise etu incident logot jura thakiboleh karone.
Etu uporot, heavy security Kailashahar te deploy kora hoise jate aru kunuba unrest no hobo.
DG (Intelligence) Anurag Dhankar Sunday evening te Agartala para Kailashahar ahise aru direct Kailashahar Police Station visit korise.
Ekta high-level review meeting Officer-in-Charge laga chamber te 4 baje pora 6:30 baje loike rakha hoise. Meeting te DIG (Northern Range) Rati Ranjan Debnath, Unakoti SP Sudhambika R, aru senior officials khan bhi thakise.
DG Dhankar media logot kotha na koile bhi, DIG Debnath reporters khan ke koise ki Kailashahar aru pura Unakoti district te situation shanti te ase etu incident uporot.
“Kunuba noutorot incident report nai. Eitu district laga manu khan shanti-pasand ase aru harmony te biswas kore,” tai koise.
DIG Debnath aru koise ki DG laga visit ekta routine review ase, specially Chaitra Sankranti aru Poila Boishakh jimon dangor utsav thake aru bishi gathering hoi, tai karone extra security laga dorkar ase.
Police source para janaise ki meeting time DG Dhankar April 12 incident laga detailed report SP Sudhambika R para mangise. Tai etiya injured police personnel laga condition bhi bujhiboleh chaise aru instruction dise jate bhal medical care diya jaai.
Add Comment