New Delhi, 17 April : Bollywood actress Urvashi Rautela etiya abar news te ahise, tai laga notun ekta claim karone. Recent time te tai laga film Daaku Maharaj karone bisi manu hansi marise, aru etiya tai ekta aijona koise juntu bishwas koribole aur bhi muskil hoise. Urvashi koise ki Uttarakhand te tai laga naam pora ekta mandir ase, aru tai chahise ki South India te bhi tai laga naam pora ekta mandir bonua jaai.
Urvashi Rautela, Siddharth Kannan logot ekta interview te koise, “Uttarakhand te amar naam pora ekta ‘Urvashi’ naam laga mandir ase. Jodi Badrinath mandir visit koribo jao, tai laga ekdom side te eitu mandir ase, aru eitu amar naam pora dedicate kora ase. Amar ekta he iccha ase — pichla ek-deir saal bitore moi megastar Chiranjeevi logot debut korise, pisot Pawan Kalyan Garu logot kaam korise, aru pisot Bala Babu logot bhi. Jodi tai logor naam pora South te mandir ase, taile amar fans khatir bhi ektu aijona hoile bhal hoibo.”
Host juntu tai ke puchise ki manu tai laga mandir te ashirwaad lobole jai niki, Urvashi hansi kene koise, “Jetiya mandir ase, manu sob to ashirwaad lobole jabo he.” Tai pisot Siddharth puchise ki manu tai pora blessings mangey niki, Urvashi hansi kene koise, “Moi ki etu chillai chillai koi dim niki?” Tai koise ki manu mandir te prayer kore, aru claim korise ki Delhi University laga student bhi tai laga photo te mala porai prayer kore. Urvashi koise, “Tai log amar ke ‘Damdama Maai’ buli koi.”
Jetiya tai ke puchise ki tai nijeke bhagwan bujhe niki, Urvashi koise, “Moi sob meyekhan ke bhagwan laga roop hisap te dekhu. Kuni bhi meye devi hoibo pare.”
Juntu log nai jane, Urvashi ekta item song korese Sunny Deol aru Randeep Hooda laga film Jaat te, aru eitu karone bhi tai news te ahise. Last time tai dekha dise Nandamuri Balakrishna laga Daaku Maharaj te.
Add Comment