Australia, 21 April 2025: Ekta nou saal bacha kun phator khan ke phasi jaishey New South Wales Beach te Sunday din te, seventh manu ase dupibo leh Australia te Easter weekend time te. Bishi wala manu mura toh pani kara pra taikhan ke dakhai deh phator khan pra. Duita manu echa b hari kina ase. Steven Pearce, Surf Live Saving laka CEO, New South Wales te, kun bishi wala hatsa toh hoishey. Tai pra ABC ke koishey etu sopse biya dupi ja record ase Easter long weekend te. Pearce pra Sydney Morning Herald ke koishey, Etu bishi biya thaki shey weekend karne kun toh joyous aro religious hubo leh thaki shey.
Emergency teams khan mota bacha laka body toh paishey South West Rocks te, Syndey pra 400 kilometers north te, hoileh b tai jaka te muri jaishey. Sunday din earlier te, ekta helicopter pra ekta baba aro bacha ke pani te float hoi thaka dikhi paishey Wattamolla beach osor te, Syndey laka south te. 14 saal bacha ke resuscitated kuri shey hoileh b baba ke olop deri hoi kina muri jaishey koina announced kuri shey. Etu time te, police khan Victoria te 41 saal manu ke bisari ase kun hari jaishey Sen Remo te Friday din te. Surf Live Saving New South Wales pra koishey taikhan 150 rescues kuri shey Good Friday din hoi kina.
Mr Pearce pra koishey high temperature laka perfect combination, holiday weekend, aro khatarnak pani swells kura pura New South Wales aro Victoria te, etu pra deaths te spike kuri shey. Monday din te conditions toh bhal hubo leh ase hoileh b authorities khan pra urged kuri shey kun coastline jaishey ase hoshiyar thakibo leh.
Add Comment