Myanmar, 25 April 2025: Myanmar authorities khan pra ekta astrologer ke dhuri shey panic ana nimite nutun earthquake predict kuri kina viral TikTok video te. John Moe The pra tai laka prediction post kuri shey 9 April te, magnitude 7.7 earthquake hoi kina two weeks pichideh kute 3,500 manu ke murai dishey aro centuries purana mandir khan biya kuri dishey South East Asian nation te. Taike Tuesday din te dhuri shey false statements bana karne public panic kuribo leh intention lokot, Myanmar laka information ministry pra janai dishey. John Moe The pra warned kuri shey ki ekta earthquake ahibo sop city te Myanmar te 21 April te. Hoileh b experts khan pra koishey earthquakes khan toh predict kuribo napareh factors khan laka complexity nimite kun toh enika disasters khan te involved ase.
Tai laka video te, kun toh three million opor views paishey, John Moe The pra manu khan ke urged kuri shey important saman khan toh nijor lokot lubo leh aro buildings khan pra puila jabo leh shaking time te. Caption te likhi shey, Manu khan lamba buildings khan te nathakibo lageh din time te. Ekta Yangon manu pra AFP ke koishey tai laka bishi wala ghor osor manu khan prediction toh bisas kuri shey. Taikhan ghor te bhuibo leh mana kuri shey aro din te ghor bahar tet haki shey Kileh maneh John pra koishey earthquake toh hubo. Tai laka echa now-defunt TikTok account toh, kun toh 300,000 opor followers ase, koi predictions khan banai astrology aro palmistry hisap te.
Taike raid time te dhuri shey tai laka ghor te Sagaing, Central Myanmar te. Mandalay aro Sagaing laka jaka khan ke earthquake pra biya pra mari dishe 28 Mach te, etu pra rare request prompt kuri shey Myanmar junta pra foreign aid karne.
Add Comment