Trump ke criticized kuri shey tai nijor Pope hwa laka AI image post kura pichideh

United State, 4 May 2025: US president Donald Trump pra criticism tani shey kunba Catholics pra tai nijor Pope hwa laka AI pra bana laka image post kura pichideh. Picture toh, kun toh official White House social media accounts pra share kuri shey, ahishey catholics khan pra Pope Francis laka death mourn kura time te, kun 21 April te muri jaishey aro tayar kuri ase next pontiff toh chunibo leh. New York State Catholic Conference khan Trump ke accused kuri shey faith ke mock kura laka. Post toh olop din pichideh ahishey tai reporters khan ke dhamaki kuri kina Moi Pope hubo mon jai ase kwa pichideh. Trump toh first president nahoi Catholic faith laka dhamali kura laka accused. Purana US president Joe Biden b outrage kuri shey ek saal pichite kicha tai cross laka sign banai shey pro-abortion access rally te Tampa, Florida te.  Vatican spokesman Matteo Bruni pra declined kuri shey questions ke jawab dibo leh Trump laka post opor te briefing time te journalist lokot Saturday din te. Vatican toh tayar kuri ase conclave host kuribo leh Francis laka successor chunibo leh Wednesday din te shuru kuri kina. Trump pra image post kura Friday din rati te tai buga cassock lagai thaka feature kuri shey aro pointed Mitre, bishop pra traditionally lagai thaka Tai ekta dangor cross lagai shey gola te aro fingers khan uthai kina thaki shey, ekta solemn facial expression lokot. New York State Catholic conference, kun toh bishops khan represent kureh New York te, X te jaishey picture toh criticise kuribo leh. Group pra koishey, Eku chalak aro jokor nai etu image laka, Mr.President.  Moikhan recently he moikhan laka beloved Pope Francis ke buried kuri shey aro cardinals khan solemn conclave jabo leh ase nutun successor chunibo leh St Peter laka. Moikhan ke dhamali nakuribi. Left-leaning Italian purana prime minister Matteo Renzi pra b Trump laka post blast kuri shey.