Odisha, 17 May 2025: Odisha laga Gajapati district te ekta teenage larki ke police detaine kurise, tai laga adoptive mother ke muraidiya laga doubt te, duita mota laga modot loikena. Police Friday din confirm korise.
Police hisap te, victim 54 saal laga Bhubaneswar laga Rajalaxmi Kar, etu maiki ke jitya tai tin saal thakise, road te chari dekhi kena tai adopt kurise. Tai jun milikena, Rajalaxmi aru etu maiki Gajapati district te rent house te shift kurise, maiki laga school osor thakibo karone.
Duita accomplice mota laga naam hoise Ganesh Rath (21 saal) aru Dinesh Sahu (20 saal), juntu ekta temple te assistant laga kaam kuri thakise.
April 29 laga evening te, minor maiki Rajalaxmi ke sleeping pill khai dise, Gajapati SP Jatindra Kumar Panda janai dise. Tai pichete, duita mota logot milikena, Rajalaxmi ke pillow para dabai dise.
Pichete tai tinjon Rajalaxmi ke hospital loijaise, juntu te doctor para dead declare kuri dise.
Minor maiki pichete tai laga relatives ke koise ki tai laga mother heart attack karone murise. “Family members biswas kurise, karon Rajalaxmi laga heart problem laga history thakise. April 30 te tai khan Rajalaxmi ke cremate kori dise aru maiki ke Bhubaneswar te loijaise,” SP Panda koise.
Victim laga bhai, Siba Prasad Mishra, April 14 tarik te police ke report dise, jitya tai minor maiki laga ekta secret mobile phone paishe, aru tai laga social media chats check kurise. Chat te dekhise ki maiki tai laga mother ke murabo laga plan discuss kuri thakise.
Complaint opor police murder laga FIR register kurise, aru minor maiki aru duita mota ke arrest kurise. Police janai dise ki duita mota murder piche Rajalaxmi laga ghor para 70 gram gold aru Rs. 60,000 cash chor kori loijaise.
Maiki piya pai kena thakise, karon tai laga mother to duita mota logot friendship opor objection uthai se. “Duita mota para maiki ke influence kurise crime commit koribole,” SP Panda koise.
Duita mota police custody te ase, aru minor maiki ke correctional home te pathai dise.
Add Comment