Patna, 17 May 2025: Bihar laga Gaya town ke etya para ‘Gaya Ji’ naam para jana jabo. Etu faisla state cabinet meeting te loise, juntu Chief Minister Nitish Kumar laga chairmanship te hoise.
Meeting piche reporters ke janai kena State laga additional chief secretary S. Siddharth koise ki etu faisla local manu laga emotions aru Gaya town laga historical aru religious importance karone loise.
Social media platform X te, Janata Dal United (JDU) National Working President Sanjay Kumar Jha Chief Minister Nitish Kumar ke dhanyobad dise Gaya town laga naam change kura karone.
“Moi mon bitor para Honourable Chief Minister ke dhanyobad janai ase etu important faisla karone, aru ‘Gaya Ji’ laga sob residents ke mon para mubarak aru bhal wishes janai ase,” koi se.
BJP MP Ravi Shankar Prasad bhi etu faisla ke welcome kuri koise ki etu faisla Gaya laga religious significance ke highlight kure.
“State cabinet laga faisla Gaya ke ‘Gaya Ji’ banabo, ekta welcome aru proud laga subject ase. Etu faisla religious importance ke aru barai dise aru NDA sarkar laga Sanatan culture upor thaka commitment aru religious places ke preserve kuribo laga dedication bhi dekhaise,” Prasad X te likhise.
Gaya town religious significance karone jani jai. Duniya laga alag alag jagah para lakh lakh tourist Gaya ahise ‘Pitrapaksh’ time te ‘Pind Daan’ dibole forefathers laga soul karone.
Gaya purana Magadh Empire laga ekta hissa thakise. Etu city Falgu nodi laga kinar te ase. Teen ta hill – Mangala-Gauri, Shringa-Sthan, Ram-Shila aru Brahmayoni – eitu jagah ke tin side pora surrond kure. Gaya te sobse famous jagah ase Vishnupad Temple.
Bodhgaya bhi Gaya te ase, juntu duniya laga sobse important aru sacred Buddhist pilgrimage center ase. Etu jaga te Gautama Buddha ekta banyan tree, juntu Bodhi Tree para jana jai, laga niche supreme knowledge paise aru Buddha hoise.
Add Comment