Chandigarh, 17 May 2025: Ekta college student ke Haryana para arrest kura hoise jasoosi aru sensitive information Pakistan ke pass kura laga doubt te. Etu ekta week te Haryana para second arrest ase juntu time te India-Pakistan border te shanti thaki ase.
Devendra Singh Dhillon, 25 saal laga political science student Patiala Khalsa College te, Kaithal para May 12 tarik te arrest kurise, karon tai Facebook te pistol aru gun laga photo upload kura thakise. Police piche time te janai se ki November last year te Kartarpur corridor para Pakistan jai thakise aru Pakistan laga Inter Services Intelligence (ISI) officer logot sensitive information share kuri thakise.
Neighboring country Pakistan laga intelligence officer khan poisa bishi khoroch kuriken Dhillon ke involve kurise. Kaithal Police Superintendent Aastha Modi janai dise ki Masters laga first year student Dhillon Patiala military cantonment laga photo bhi Pakistan officer ke dise.
Tai laga mobile phone seize kurise aru forensic investigation ke pathaise. Tai laga bank account bhi check kuri ase, Pakistan officer logot poisa transfer kuri thaka bujhibole.
Dhillon laga arrest to 24 saal laga Nauman Ilahi ke Panipat te similar charge te arrest kura piche hoise. Nauman, Uttar Pradesh laga, Haryana te ekta security guard laga kaam kurise aru Pakistan ke information debole tai laga brother-in-law aru company driver laga account use kuri kena poisa pai thakise. Aru Punjab Police last week duita manu, juntu te ekta mahila thakise, arrest kurise juntu Pakistan High Commission, Delhi te post kura official logot espionage activities te involved thakise.
Etu cross-border espionage opor crackdown hoi ase May 10 para, jitya India-Pakistan ceasefire agree kurise . India aru Pakistan ekta ceasefire agreement reach kurise May 7 laga India Operation Sindoor piche, jitya India Pakistan-occupied Kashmir te 9 terror targets upar military strike kurise. Etu cross-border military action te tensions uthi thakise, juntu April 22 Pahalgam attack te 26 civilian mura laga incident para suru hoise.
Add Comment