Dui jun muri shey Mexican Navy ship crash hoi kina Brooklyn Bridge te

New York, 18 May 2025: Duita manu muri jaishey aro atleast 19 manu jokom hoi jaishey ekta ucha Mexican Navy Ship training sailboat toh crash hoi kina New York City laka Brooklyn Bridge te, city mayor pra janai dishey. Eric Adams pra koishey Cuauhtemoc toh power hari jaishey accident nahwa agae te Saturday din saam te. US officials pra koisey 277 manu toh vessel te thaki shey, kun toh goodwill visit kuri thaki shey. Footage pra dikhi shey Cuauhtemoc laka ucha masts toh bridge te laga laka bridge under pra ja time te Saturday din saam te. Crew members khan masts te khara kuri thaki shey crash hwa time te, authorities khan pra koishey. Etu hoi kina deck te reportedly giri jaishey. X te statement te, New York city Mayor Eric Adams pra likhi shey, Etu time te, 277 manu on board thaki shey, 19 manu jokom hoishey aro dui jun toh critical condition te ase aro duita toh muri jaishey jokom pra. Mayor pra earlier koishey ki Brooklyn Bridge toh eku dangor nuksan hwa nai. US officials pra koishey kun b pani te giri nai. Mexico laka Nacy khan earlier jokom hwa manu laka number toh 22 te rakhi shey. Taikhan pra koishey hatsa toh echa investigate kuri ase. Cuauhtemoc toh duita masts laka top toh harai shey aro sop personnel ship te accounted kuri shey. New York Coast Guard pra statement te koishey, tadeh jokom hwa manu kan ke hospital te loi jaishey. Manu jama hwa khan ship laka trajectory sai thaka toh pulai jaishey pani laka edge pra masts toh bridge lokot laga time te. New York police pra residents khan ke koishey Brooklyn Bridge laka jaka toh avoid kuribo leh koishey.