Gary Kirsten Indian women cricket coach nimete apply korise

Porana South Africa cricketer aro India laga former coach Gary Kirsten. India laga womens Cricket team laga coach nimete apply korise. Ito khobor toh pise jon high profile cricketer khan ito post nimete apply kora pijete hona laga ase. Womens team laga coach jonibo nimete BCCI pora 3 member ad hoc panel select korikena ase. Report hisabte Kings XI Punjab laga coach pora bhi ito post nimete inquiry korise koishe. 2011 te Kirsten pora Indian mens team ke coach kori kena Cricket World cup jitai tise. Ito post nimete applicants khan inaka ase, Atul Bedade, David Johnson, Rakesh Sharma, Manoj Prabhakar, Owais Shah, Herschelle Gibbs, Dimitri Mascarenhas, Dominic Thornely, Gargi Banerjee, Vidyuth Jaisimha, Ramesh Powar, Colin Siller are Dav Whatmore inka ase. BCCI pora ad-hoc panel ke Shantha Rangaswamy, kapil Dev aro Anshuman Gaekwad inaka pick korikena ase. Indian Womens Cricket team pora January 24 laga New Zealand tour shoro nahoa aki te ito coach jonibole nisna ase.