Chhattisgarh Chief Minister nemideh meeting

New Delhi, 15 December: Rajasthan aro Madhaya Pradesh laga chief Minsiter juna bechide Congress president Rahul Gandhi toh jowah kali (Saturday) top party leaders logode Chhattisgarh laga top post nemide kotha kora thakise. Khobor hesab deh, Mr Gandhi toh Chhattisgarh’s four potential chief minister candidates — TS Singh Deo, Tamradhwaj Sahu, Bhupesh Baghel aro Charan Das Mahant logode tai laga khor New Delhi jaga deh log korise. Etu time deh tai khan meeting lowah thakise. Chhattisgarh laga chief minister najuna agae deh Mr Gandhi pora etu par meeting lowah toh third par wala ase.  Congress’ central observer Mallikarjun Kharge aro Chhattisgarh PL Punia be meeting time deh thakise. Khobor hesab deh, UPA chairperson Sonia Gandhi aro Priyanka Gandhi Vadra be Rahul Gandhi’s laga khor deh thakise. Tai khan pora kowah hesab deh, Congress Legislature Party (CLP) laga meeting toh 4.00 pm Raipur, Chattisgarh deh thakibo. Hoilebe khobor toh New Delhi naa Raipur deh janaidebo, kobo napari kena ase. Jowah-jowah porsong besi deri kotha kora bechide Congress pora Ashok Gehlot toh Rajasthjan laga chief minister naa kora thakise. Kotha kora toh tui-din pora be besi lowah thakise. Madhya Pradesh deh, Congress leader Kamal Nath toh December 13 direk chief minister juna thakise.