Karsingsa, May 23, 2025: Yete ekta bia khobor te. Thursday din te. Tapik Colony laga Ekta Jawan Chokra toh murishe koishe. Tai toh Riya Tago ase koishe. Yete tai toh tailaga ghor osor te. Panni Kuwa toh sapha kuribole homoi te murishe koishe.
Banderdewa Police khan laga hisab te. Yete Banderdewa Police Station te ekta call ahishe koishe. Yete khobor dishe ki. Duita manu toh Tapik Colony te Kuwa te phasi kina ase. Aru taikhna modot lagea ase koishe.
Police Team khan utu jagate phat punchishe koishe. Hoilebi taikhan jagate punchea toh. Duita manu Riya Tago (23) aru Sosar John (23) toh Kuwa bitor te bihos hoi kina thahishe koishe. Tai duijun bi Tapik Colony laga ase koishe. Aru etu kuwa toh Riya Kano laga ase koishe.
Yete Local manu khan laga modot loi kina. Police team khan tarika kurishe. Yete taikhan Oxygen supply di kina. Duijun kebi Kuwa para ulai dishe koishe rosi chulai kina. Taikhan ke Naharlagun laga TRIHMS te loi jaishe koishe Medical nimete. Hoilebi Police khan para janai dishe ki. John toh etea bhal halat te ase. Hoilebi Tago ke toh bachabole parea nai koishe.
Yete Police khan laga hisab te. TagoKuwa te gushishe koishe sapha kuriboole. Hoilebi mati bitor te hawa khotom thakhea nimete bishosh hoishe koishe. Yete mun dangor hoi kina John toh taike bachabole. Kuwa te gushishe koishe. Hoilebi Taibi Bihosh hoishe koishe.
Add Comment