United State, 23 May 2025: Duita Israeli embassy staff members ke murai dia laka Jewish museum bahar te Washington Dc te, etu laka suspect accused ke first-degree murder lokot charged kuri shey. Aro foreign official laka murder aro firearm charges related lokot. Wednesday din rati laka hamla toh investigate kuri ase hate crime hoi kina, aro bishi charges expect kuri ase, US Attorney Jeanine Pirro pra news conference te janai dishey. Ety toh death penalty-eligible case ase, tai pra enika koishey Thursday din te. Koishey echa b bishi joldi ase kubo leh prosecutors khan death sentence toh decide kuribo leh seek kuribo leh. Steve Jenson, FBI’s Washington DC field office pra, koishey etu killings toh terror aro directed violence laka act ase Jewish community laka against te.
Couple Yaron Lischinksy aro Sarah Lynn Milgrim ke goli mari kina murai dishey event laka bahar te Capital Jewish Museum te Washington DC te 21:08 local time nishina te Wednesday din te, police pra koishey. Suspect toh charta manu group laka opor te goli mari shey event pra ola thaka, duita victims ke murai dishey, police pra janai dishey. Police khan suspect toh 30 saal Elias Rodriguez koina identified kuri shey Chicago pra. Taike jaka te dhuri shey goli mara pichideh. Officials pra koishey taike dikhi shey museum laka bahar te birai thaka goli namara agae te. Eyewitnesses pra BBC khan ke koishey taike traumatised bystander ase koina bhabi shey, aro museum laka bitor te aid dishey.
Ekta eyewitness, Yoni Kalin pra koishey manu khan bitor te taike Thanda kuribo leh kuri thaki shey. Taikhan jani thaka nai ki tai toh biya manu ase kun manu khan ke murai, enika koishey. Police pra koishey suspect toh free Palestine koina b hala kuri shey custody te nalwa agae te.
Add Comment