May 29, 2025: May 28 laga phuzur phane. Yete Guest House banai thakhea laga ghor toh najane manu para phutai dishe koishe. Etu toh Mizoram aru Tripura laga Border majote ase koishe.
PTI khan ke kotha kurea homoi te. Mizoram Inspector General of Police (Law and Order) H. Ramthlengliana para koishe ki. Yete kunba najane manu khan para bomb toh phutai kina Guest laga ghor bana thakhea toh bia kuri dishe koishe. Etu toh Tripura Forest Department khan para banai thakhishe koishe.
Etu ghor toh Mizoram laga Phuldungsei Bosti te ase koishe Mamit District te. Aru etu jaga toh olop jamala ase koishe. Kile mane duita States khan parabi etu mati toh taikhan laga ase koi kina thakhea nimete.
Ramthlengliana para koishe ki. Etu guest ghor bana toh olop rukhai dishe koishe Tripura laga Government khan para. Yete Mizoram khan para Namanea nimete.
Enika phuti kinabi duita states toh sunsan ase koishe. IGP para koishe ki. Etu jamal toh Tripura Counterparts khan kebi janai dishe koishe. Aru janai dishe ki. Etea Investigation khan kurea ase koishe. Hoilebi etea tak kun kebi duribole parea nai koishe.
Mizoram toh 66 km dur nishina Tripura laga Border khan ke milai koishe. Yete Taikhan majote tension toh uthishe koishe. Inter-State Boundary te. Yete Mizoram Civil Society Organization aru Student Organization khan para yete Guest Ghor toh mana kurea pichete.
Add Comment