Premier League: Manchester City 3-1 Everton, Arsenal 2-3 Southampton, Chelsea 2-1 Brighton 0

(AGENCY) : Saturday  din Premier league match  Manchester City aro Everton khila majote, Mancity laga Gabriel Jesus pora 2 goals marikena Manchester City pora aram se parise. Dominic Calvert-Lewin  pora Everton nimete ekta goal marikena olop  Everton laga mon dangor koritishe hoilebi match poora Mancity  aram se control korise. Mancity laga coach Pep Guardiola pora Jesus pora score kora nimete bishe kusi paise aro striker ekta toh score kori bole lagi confidence level otha bo nimete. Gabriel Jesus Auguist moina pora hi score nakorikena ahi ase. Itia Mancity PL laga table top korikena ase. Hoilebi Liverpool pora Manu ke pariletoh 2^nd  place ke ahijabole ase. Itia Mancity 44 points ase aro Liverpool 42 points ase.

Aro Sunday din khila match te Arsenal 2-3 Southamton koikena khotom hoise. Southhampton nimete D. Ings pora 2 score korise aroAustin pora 85 minute te winner thalise. A ro Arsenal nimete Henrikh Mkhitaryan pora 2 goal marise hoilebi jitebole para nai. Coach Unai Emery aro Arsenal laga 22 match unbeaten run kali khotom hoishe. Itia thaikhan  34 points paikena 5^th place te ase. Ulag wala match te Chelsea pora aram se Brighton logode 2-1 parise. Pedro aro Eden Hazard pora Chelsea nimete score korise aro Brighton nimete S. March pora 66 minute te ekta koraitise hoilebi ito pijete aro dibole para nai aro Chelsea aram se lead defend korikena match parise. Chelsea itia 37 points paikena  4^th place te ase .