Colombia, 8 June 2025: Ekta Colombian presidential candidate ke tin bar goli mari dishey- matha re dui bar-campaign event time te capital Bogota te. Miguel Uribe Turbay, 39 saal, ke hamla kuri shey chutu crowd ke address kura time te park te Saturday din te. Police pra ekta 15 saal suspect ke dhuri shey jaka te, local media pra janai dishey.
Uribe laka maiki, Maria Claudia Tarazona, nation ke koishey tai laka survival pra pray kuribo leh. Miguel toh echa tai laka life karne fight kuri ase. Isor ke doctors laka haat toh guide kuribo leh mangi ase kun taike treat kuri ase, tai pra enika koishey. Uribe laka Centro Democratic party hamla toh condemned kuri shey, koishey etu pra democracy aro freedom endangered kuri shey Colombia te.
Phone footage online te share kura pra dikhai shey kina taike matha te mari dishey khota kura time te, etu pra osor te thaka manu panic te polai jaishey. Paramedics pra koishey taike knee te mari shey aro matha te duibar, AFP news agency pra report kuri shey.
Add Comment