Mairang, 1 July : Meghalaya te ekta 25 bosor laga man tai laga girlfriend ke galla kati mari dise, tai laga papa samne. Police Tuesday din report dise aru tai ke arrest korise.
Incident Monday evening te Mairang Pyndengumiong village te hoise, jitu time te victim Phyrnailin Kharsyntiew aru tai laga papa ekta local market te farm product bikri kori thakise.
Eyewitness khan koi dise accused aikhanot woman logot face korise, aru tai logot jujh jujhi suru hoise.
Jujh majot, accused sudden tai ke attack kori galla kati dise, police officer confirm korise.
Victim ke turant Mairang Civil Hospital loi jai dise, kintu tai ke dead declare korise.
Local manu khan accused ke dhori jai dise jitu time te bhagibo try korise, aru police ke hand over korise.
Case register hoise aru investigation cholise actual reason bujhibole.
Etu incident district te bishi gussa loi ahi dise, manu khan justice mangise aru woman uporot violence khan te strict action mangise.
Authority khan full investigation complete koribo aru responsible manu uporot action loibo try kori ase.
Add Comment