New Delhi, April 22 : Bollywood actor Aayush Sharma, kun Salman Khan laga brother-in-law(bhuini laga mota) asey, tai tu tailaga career suru huwa homoi para hey nijor ke nepotism laga debate chuli thaka bich te paisey. Kilemaney, 2018 te release huea tailaga first film Loveyatri tu Salman Khan para support kora laga thakisey. Ekta nutun interview te, Aayush kun ekta political background para ahisey, tai Khan(Salman Khan laga) parivaar te shaddi huwa nimitey manu khan para taikey judge kora te tai mushik jhela tu share kurisey. Bisi manu para taikey Salman Khan laga buini Arpita Khan ke poisa nimitey aro Bollywood te asani para gusibole paribole nimitey shaddi kurisey koikina iljam lagaisey.
Tailaga shaddi te, Salman Khan laga parivaar side para daami gift pa laga rumpurs(misa misi khobor) chuli thaka ke address kurikina, Aayush para tai irritate hoija tu jataikina Siddharth Khannan ke koisey, “Social media para ami nimitey ki ki bisi decide kurisey. Ami yaad asey jitya ami laga shaddi hobole thakisey kunba para koisey ki ami tu gift te ekta diamond(heera) dhalikina thaka sherwani paisey. Ami etya tak bi utu sherwani panai. Kunba para koisey ami dowry te Bently(Car) paisey. Utu Bently kotey asey? Amike lagey enaka nohoi?”
Enaka troll khan ke jawab dikina, Aayush para share kurisey kinaka tai kitya bi poisa nimitey tarpanai, tailaga political background ke dhanyabad. Tai koisey, “Media para amike Delhi laga businessman banaidisey aro ami bhabna kuri thakisey ami tu kuntu angle para bi businessman nohoi. Ami tu ekta political background para aha asey. Amilaga baba tu ekta politician asey aro ami struggle kuri thaka actor asey. Toh ami kinaka businessman hoijaisey najaney. Manu khan ami laga shaddi te comment kurikina ami poisa, career aro Bollywood te gusibole nimitey shaddi kurisey koisey. Ami tu ekta bhal parivar para ahi asey, ekta political background logotey. Zindigi te ama-baba para ki ki bisi paisey, ami kitya bi poisa laga lalach thakanai.”
Add Comment