New Delhi, May 06 : Olop moina ageyte, ‘Housefull 5’ tu Akshay Kumar aro Riteish Deshmukh logotey announce hoisiley. Etu announcement para ‘Housefull’ franchise laga fan khan ke excited kuridisey. Etya etu janibole paisey ki Abhishek Bachchan para bi etya etu film join kurisey.
Abhishek tu ‘Housefull 3’ laga ekta hisa thakisey. Aro etya tai para etu film laga part 5 te aro join kuri asey. Etu film ke Tarun Mansukhani para direct kuri asey kun para Abhishek ke ‘Dostana’ film te direct kurisiley, kuntu te John Abraham aro Priyanka Chopra thakisey.
Producer Sajid Nadiadwala para Abhishek ke etu project te wapas anibole asey. Kilemaney taikey lagi asey ki tailaga comic timing para etu film ke aro bhal kuridibo.
Etu majotey, Abhishek para bi etu collaboration te react kurikina koisey, “Housefull tu amilaga favourite comedy franchise majotey ekta asey aro etu te wapas aha tu ghor wapas aha nisna lagi asey.
Abhishek para koisey ki tai actor Akshay Kumar aro Ritesh Desmukh logotey ‘Housefull 5’ film laga set te pagla nisna masti kuribole rukhi asey. Aro tailaga sathi Tarun Mansukhani logotey aro ekbar kaam kuribole excited asey. Kun logotey tai ‘Dostana’ film te kaam kurisiley.
Abhishek para poila te Mansukhani logotey kaam kora dikhikina, etu bar laga tu ekdam hasaidiya laga hobole akha kuri asey.
‘Housefull 5’ tu June 6 te release hobole asey. Abhishek tu comedy genre te olop homoi picheyte wapas ahi asey. ‘The Big Bull’ para loikina ‘Ghoomer’ nisna dangor, intense film kora picheyte.
Add Comment