New Delhi, May 06 : Kangana Ranaut para aro ekbar tailaga statement(bayan) logotey headline banaisey. Tai tu bollywood industry te ekta sobsey bisi ki kobole mon asey etu khula khuli kuwa aro nijor laga opinion rakha actor asey. Bollywood picheyte, Kangana tu politics te tailaga luck try kuri asey. Aro taikey Bharatiya Janata Party (BJP) para Mandi laga seat nimitey election laribole chunisey. Voting laga phase chuli thaka homoitey, Kangana para olop din ageyte tailaga ekta rally te tailaga influence(takat) ke Amitabh Bachchan logotey compare kurisey.
Kangana Ranaut para bhasan diya laga ekta khata video internet te viral hoikina asey. Etu video te, Kangana ke enaka kuwa hunisey ki pura desh hairaan hoikina asey, ki utu Kangana Rajasthan jaisey koilebi, West Bengal jaisey koilebi, Delhi jaisey koilebi, Manipur jaisey koilebi enaka lagey ki tai eman morom aro somman pai ki tai etu paka kobo parey ki aji industry(bollywood) te Amitabh Bachchan ji picheyte kunba ke enaka pai koiley taikey asey.
Olop hapta ageyte Kangana Ranaut para koisey ki tai politics te gusibole faisla luwa tu tailaga recent film khan box-office te biya perform kora nimitey nohoi. Tai para koisey ki box office te up-down hoithaka tu film industry laga ekta hisa asey. Tai para Shah Rukh Khan laga career graph laga example loikina nijor laga career ke compare kurisey. Kangana para etu bi koisey ki actor khan tu etya OTT platform te bisi opportunity pai asey.
Kangana Ranaut ke next ‘Emergency’ film te dikhibole asey. Etu movie tu India laga former Prime Minister, Indira Gandhi laga kahani te bana laga asey.
Add Comment