New Delhi, May 05 : Kareena Kapoor Khan ke Unicef India laga National Ambassador appoint kurisey. Kareena tu 2014 para Unicef logotey ekta Celebrity Advocate hoikina jurikina thakisey. Tai tu stage te apeech diya homoitey emotional hoijaisey.
Kareena Kapoor para tailaga cap te aro ekta feather(pankha) add kurisey.
Kareena para instagram te likhisey, “Ami nimitey ekta emotional din asey.” Ami UNICEF India National Ambassador appoint hobole bisi garv mehsoos kuri asey. UNICEF logotey juwa 10 years para kaam kurikina ahithaka tu ami nimitey hosa te bi nijor ke behtar bana aro deep para bhabna kora laga thakisey. Amikhan para kaam kora te ami garv mehsoos kuri asey. Aro ami para baccha khan laga haak ke protect kora aro sob baccha ke ekey soman future dibole laga commitment ke wapas dohrai asey.”
Tai para UNICEF India laga pura team ke dhanyabad disey kun khan desh laga maiki aro baccha khan laga haak nimitey nurukhikina kaam kuri asey.
Unicef India laga National Ambassador title pa picheyte, Kareena para koisey ki etu duniya laga future generation baccha khan laga haak jaruri thaka nisna aro kunba bustu khan bi jaruri asey. Tai para tailaga awas aro takat ke dukh te thaka baccha aro taikhan laga haak nimitey cholabo.
Kaam fale saisey koiley, Kareena Kapoor ke akhri bar ‘Crew’ film te dikhisley. Taikey next ‘Singham Again’ te dikhibole asey.
Add Comment