GUWAHATI: Congress para N. Loken Singh ke Manipur state unit party president junishe. Congress interim President Sonia Gandhi para Singh ke toh Manipur party chief junishe koishe. Party para aro dosura tin(3) jun ke northeastern state nemite poll-bound Working Presidents be junishe. Itya Loken Singh toh interim state chief ase koishe. Party general secretary, Organisation, K.C. Venugopal para statement te koishe ke, tinta(3) working presidents toh Keisham Meghachandra Singh, Irengbam Hemochandra Singh, aro D. Korungthang ase koikena janaishe. Loken Singh, Meghachandra Singh aro Korungthang toh sitting MLAs ase. Congress interim President Sonia Gandhi para aro 33-member state executive committee nam thishe, koikena statement te aro janai thishe. Manipur te Assembly elections aro dosura 4 states te election toh aha saal February-March moina te thakiboli ase koikena, khobor hesab te junai thishe.
