New Delhi, May 07 : Akshay Kumar aro Arshad Warsi para olop din ageyte Jolly LLB 3 laga shooting suru kuridisey. Taikhan para etu laga announcement tu social media te ekta masti kora video te announce kurikina online te excitement jagaidisey. Etya, ekta nutun jankari pa hisap te, Jolly LLB 3 tu ekta kanooni musibat te girisey.
Jolly LLB 3 laga against te judiciary(nyay kora system) laga maryada ke thej pongcha nimitey ekta complain file kurisey. Ekta report hispa te, District Bar Association President Chandrabhan para Akshay Kumar aro Arshad Warsi laga etu film(Jolly LLB 3) laga khilaf te ekta complaint lodge kurisey.
Report hisap te, Jolly LLB 3 laga actor, director aro producer laga khilaf te case file kora laga hearing tu May 07 te hobole laga thakisey. Chandrabhan para etu koikina etu film laga shooting ke bi rokhaikina rakhibole request kurisey ki etu film(Jolly LLB) laga juwa duita part(Jolly LLB 1 aro Jolly LLB 2) te nyay kora system laga majak uraisey.
Etu Bar President para Jolly LLB film te kanooni professional(wakil) aro judge ke portray kora(dikha) laga opor te chinta jataisey. Tai para koisey ki etu tu asli duniya laga scenario logotey nimiley. Tailaga hisap te wakil aro judge khan ke enaka roop te dikha para judiciary(nyay kora system) aro legal practitioner(kanoon nimitey kaam kora mnau khan) laga izzat biya kuri asey. Tai para complaint kora laga aim tu film bana manu khan ke film laga production chuli thaka homoitey etu mamla khan ke mon te rakhibole dibole nimitey asey.
Add Comment