May 27, 2021. Wednesday din te Serchhip Battalion of Assam Rifles para Mizoram’s Serchhip aro Champhai districts te ex-servicemen oper te online ex-servicemen meet organized korishe koishe. Serchhip Battalion of Assam Rifles para ex-servicemen meet toh Headquarter 23 Sector Assam Rifles, Inspector General Assam Rifles (East) laga motob te thakishe. “etu meet thaka laga aim toh COVID bemari jai thaka samai veterans khan Battalion Area te bhal para thakiboli nemite ase,” koikena HQ IGAR (East) para statement te janaishe. Serchhip Battalion of Assam Rifles laga representatives para ex-servicemen laga dukh aro bapana toh janai thishe. Ex-servicemen logot tai khan laga dukh-sukh toh joldi saiboli koishe. Ex-Servicemen Association laga president para Serchhip Battalion logot tai khan laga kam bhal nemite besi tangor kushi powa toh dunyawad korishe, koikena Assam Rifles laga statement te janai thishe. Etu samai, May 24 darik te, Aizawl Battalion of Assam Rifles, kuan para Covid-19 bemar nemite besi bhal te larai kori ase, tai khan para essential items aro anti-Covid kits toh volunteers logot thishe. Etu volunteers khan toh Local Level Task Forces (LLTFs) ase aro etu manuh khan para Aizawl city, Mizoram te Covid-19 bemar logot larai kori ase, koikena Assam Rifles para janaishe.
AR para online te ex-servicemen meet thakishe
