May 27, 2021. Wednesday din upper Assam, Tinsukia district, Mohkhuli Model Hospital te Covid-19 positive bema manuh ek jun suicide korishe koishe. Suicide kora manuh laga nam toh Kambhu Tanti, 60 umer thakishe. Health officials khoboe hesab te, Tanti toh Samdang tea estate, Doomdooma osor te tea garden te kam kora manuh thakishe. May 22 darik te tai aro maiki ke Covid-19 positive tested thura nemite hospital te admitted korishe. Health official para aro koishe ke, “Tanti para etu kam kora toh hoile tai khan ke Covid-19 positive tested thura beche, thakiboli room deya te toh morikena thakishe. “tai laga maiki toh besi asorit hoishe. Tanti toh Covid-19 bemar para bhal hoi thakishe, hoilebi tai para etu kam kora toh hoile najani”, officials para koishe. “ami khan tai laga body toh post-mortem nemite putaishe aro etu kam nemite investigate koribo,” koikena khobor toh health department laga officer ek jun para janaishe. 5 am samai, hospital laga staff member ek jun para tai suicide korikena thaka toh thikishe. Etu samai tai laga maiki toh room te thaka nai. Hospital laga khobor hesab te, etu mora manuh laga chokri 33 umer ke be positive tested thura nemite itya Assam Medical College Hospital, Dibrugarh te admitted hoikena ase koishe.
Tinsukia hospital te 60 umer covid bemar suicide
