Aruanchal Pradesh te Floods aru Landslide karne 9 manu murishe

Itanagar, June 1, 2025: Saturday din te Officials khan para koishe ki. Arunachal Pradesh te ja olop din nishina panni pishi giri thakhishe koishe. Yete para panni Floods aru Mati khan bi girea ase koishe. Yete aru 9 manu nishina murishe koishe. Police khan para koishe ki. Duita families laga 7 manu murishe koishe. Yete Friday din te. Mati toh giri kina taikhan laga ke loi jaishe koishe. Etu toh rati te thakhishe koishe. Aru etu toh East Kameng District laga Bana – Seppa laga National Highway 13 te ase koishe. East Kameng Superintendent of Police (SP) Kamdam Sikom para koishe ki. Etu gari toh Bana para Seppa te jai thakhishe koishe Bichom District te. Yete achanak para mati toh girishe koishe panni bishi jor para girea nimete. Aru yete taikhan laga gari te bitor te loi jaishe koishe. Arum urea manu khan sob bi Kitchang Bosti laga Bana para ase koishe. Yete murea manu khan toh Shankar (35) toh Gari malik, Tai laga maiki toh Tasum Budi Aka (25). Aru tai laga maiki toh pet te 4 moina nishina bacha bukhea ase. Tai duijun laga bacha maiki Kachung Budi Aka (8). Aru tai khan laga Bacha chokra Nicha Budi Aka (4) ase koishe. Aru alak Bacha bukhea ama Jajum Yame (33) bi murishe koishe. Tai laga 5 saal bacha maiki Tushum Yame aru 7 saal Muta Patiya Yame logote.