Mizoram: 4 te 3da Myanmar manu murishe. Landslide hoi kina

Aizawl, June 1, 2025: Saturday din te Officials khan para koishe ki. Yete Charta majote 3da toh Myanmar manu ase koishe. Yete taikhan saob murishe aru ekjun toh jokhum hoishe koishe. Yete panni giri kina Mati girishe koishe. Aru taikhan laga Ghor bia kuri kina murai dishe koishe Mizoram te. 3da manu toh 34 para 71 saal laga majote ase koishe. Aru taikhan toh Myanmar laga Family khan ase. Aru Saturday din tebi, alak bi jokhum hoishe. Mati giri kina tai laga rent ghor upor te giri kina. Etu toh East Mizoram laga Champhai District laga Vaphai Bosti te ase koishe. Etu toh Myanmar Border osor te ase koishe. Yete taikhan laga family khan toh 2021 laga saal para Mizoram te thakhea ase koishe. Yete military laga Coup tarika loi kina. Etu 3da manu toh Lenkhuaithanga (71), tai laga bacha maiki Lalneihṭhuami (48), aru Lalneihṭhuami laga daughter-in-law Lalramniengi (34). Aru tai toh 4 moina nishina Bacha bukhi thakhishe koishe. Yete jokhum hoa manu kebi Farkawn laga Osor Hospital te loi jaishe koishe. Aru alak jamala bi Saturday din te hoishe koishe.  Yete 53 saal manu ekjun laga ghor toh bangishe koishe Landslide hoi kina. Aru taibi murishe koishe. Etu toh Serchhip District te ase. Etu toh State Capital Aizawl para 114 km dur nishina ase koishe. Aru Friday din tebi. 37 saal manu toh murishe. Yete Labourer Camp laga wall toh tai laga upor te girishe koishe. Etu toh Aizawl laga Thuampui jagate ase koishe.