Guwahati, March 28 : April 19 te hobole thaka Arunachal Pradesh Legislative Assembly election nimitey nomination file kuribole laga deadline pungcha homoitey, Bharatiya Janata Party laga 6ta candidate laga khilaf te election te bhak lobole kunbi nathaka tu taikhan nimitey ekta advantage hobo parey.
Chief Minister Pema Khandu aro dusra 5jun BJP candidate khan tu taikhan laga seat unopposed(against te kunbi nathakikina) jitibo parey.
BJP candidate khan contest nukurikina jitibole chance thaka jaga tu Mukto asey, kuntu ke Arunachal laga Chief Minister Pema Khandu nijor para represent kuri asey.
Khandu, kun suru te Congress party laga member hoikina Mukto laga seat jitisiley, tai para 2016 te BJP join kuriloisey.
Tai 2019 te jitiya para etu jaga te tailaga rajneetik pakar ke majboot kuridisey.
Etu nisna, Pani Taram, kun olop din ageyte hey BJP join kurisey tai tu Koloriang seat pabole tayar asey, kuntu ke poila te tai para People’s Party of Arunachal laga banner under te dhurikina thakisey.
Roing, Tali, Taliha aro Sagalee nisna alag jaga khan te, BJP candidate khan opposition nathakikina ekla contest kuri asey kuntu para agey barikina ahibole thaka election te party laga jeetibole chance ke barai asey.
Arunachal laga poila laga CM Nabam Tuki para bi BJP join kurisey.
Congress para bi Tuki nimitey taikhan laga candidate dhalikina asey.
2019 laga election te Arunachal Pradesh laga 60-member Assembly para 41 seat paikina BJP tu ekta dominant force olaisey. BJP picheyte, next te JDU, NPP aro Congress thaksiey.
Nomination file kora laga jaanch tu March 28 te kuribole asey. Aro nomination paper withdraw kuribole laga akhri tarik tu March 30 asey.
Add Comment