Arunachal : election ageyte Lower Siang te Section 144 impose kurisey

Itanagar, April 17 : Arunachal Pradesh laga Lower Siang district te District Magistrate Rujjum Rakshap para  CrPC laga Section 144 lagu kurisey.

Etu order para rati 7pm para loikina phujur 6 am tak ekta group te 4jun para bisi manu jama hobole mana kurisey.

Etu restriction tu 17 April para 21 April tak effective hobole asey.

Ageyte, Tenzin Libasow koikina ekjun jawan manu West Kameng district, Jamiri laga Khagok busti te thaka 14^th Labour Camp te poll logotey jurikina thaka gondogol huwa te  murija picheyte, authorities para Trizino-Buragaon laga gorom mohol te  CrPC laga Section 144 impose kurisey.

Late Tenzin Libasow, Nikam Libasow laga chokra tu 14^th Labour camp Khagok te ekta politics logotey jurikina thaka hatsa huwa te tailaga jaan jaisey.

Etu ghotna te ekdam duk jataikina, Tenzin Nyima Glow para koisey, “Ahibole thaka Legislative Assembly Election 2024 nimitey contest kuribole thaka ekta candidate hoikina, ami tu eku doubt nathakikina larayi jhagra aro manu khan ke joborjosti kora laga khilaf tea was uthai asey. Samaj laga sob manu kha, rajneetik sambandh thaka laga bawajut eku kisim laga larayi jhagra hobole nidibo lagey. Etu majotey, Leparada District laga Basar town te March 11 para Criminal Procedure Code (CrPC) laga Section 144 lagu hoikina asey.