Aizawl, April 17 : Mizoram Governor Hari Babu Kambhampati para media ke April 19 te hobole thaka Lok Sabha polls laga single-phase nimitey tayar thaka laga mamla te jankari disiley.
Tai para Mizoram laga reputation ke ekta ekdam shanti thaka rajya asey koikina highlight kurisey, kotey election tu eku disturbance nohoikina hoi.
Governor Kambhampati para manu khan laga discipline hoikina thaka beybohar aro democratic process te taikhan eman josh para participate kora laga tarif kurisey aro koisey ki Mizoram te vote dibole ja manu tu bisi bhak 80% opor thakey.
Sob vote diya manu ke appeal kora te, kun kun first time vote dibole asey taikhan ke bi milaikina, Governor Kambhampati para public ke biswas dilaisey ki Mizoram police force tu ekta peaceful vote dhala mohol banabole nimitey mondikina measures implement kuri asey.
Etu opor te, rajya te drugs smuggle kora laga khilaf te laribole nimitey bi kosis kuri asey. Police para gairkanooni bustu khan ke rajya te anibole para rokhabole nimitey advance kadam uthai asey.
Add Comment