Arunachal Pradesh Advocate General Nilay Dutta morishe

GUWAHATI: Arunachal Pradesh laga Advocate General, Nilayananda Dutta, 71 umer toh Sunday 2.30 am samai morishe, tai ke Nilay Dutta be koikena jani thakishe. Tai toh Coorg, Karnataka te heart attack para morishe koishe. Friday din te Nilay Dutta para tai laga 46th marriage anniversary celebrated korishe. Khobor para janaishe ke, tai chest pain and uneasiness howa nemite, Dutta ke toh hospital te 2.30 am loikena jaishe, hoilebi etu samai mori-jaishe. Tai para jarikena jowa toh maiki, chokri aro chokra ase. Senior advocate Dutta toh Assam Cricket Association laga former president ase. Dutta toh Guwahati para ase aro tai toh international cricket umpire be thakishe. Arunachal Pradesh chief minister Pema Khandu, Assam chief minister Himanta Biswa Sarma, senior advocates aro dosura manu besi para Nilay Dutta mora oper te mon dukh kotha janaishe. Assam chief minister Himanta Biswa Sarma para message te koishe ke, Dutta mori jowa toh Assam laga sobse tangor lawyers ekta nathaka hoishe. “Assam manu nemite tangor lawyer ekta nathaka hoishe, Nilay Dutta para dosura besi jaja te motob thikena thakishe aro tai toh sports administration te be samil thakishe. Tai mora nemite besi tangor chet ekta olaishe. Ami laga mon dukh toh tai laga family aro well-wishers logot janai ase,” koikena Sarma para koishe. Advocate General of Assam, Devajit Saikia para be Dutta mora oper te tangor mon dukh howa janaishe. “tai mora khobor honikena besi asorit hoishe, tai toh itya duniyaa te manu tangor ekta thaka oper te Advocate General of Arunachal Pradesh, Senior Advocate, Former President, Assam Cricket Association, and International Cricket Umpire Nilayananda Dutta, fondly “Nilayda”. Tai ajanak Coorg te 2 AM samai morishe,” koikena Advocate General Devajit Saikia para Facebook post te janaishe. “ami khan nemite law & sports te tangor manu ekta jaishe…ami laga salute toh Rockstar & Mentor logot janai ase. Tai laga noble soul toh shanty te thakiboli koi ase.. Goodbye Nilayda,” Saikia para aro janaishe. Khobor hesab te, Covid hoshari neum thaka nemite Dutta laga body toh Guwahati te loikena najobo, hoilebi Bengaluru te cremated koribo koishe.