Arunachal Pradesh: Drugs kaam kurea 4 manu khan ke Arrest Kurishe

Naharlagun, May 26, 2025: Naharlagun Police khan para State te. Drugs laga kaam kurea manu khan ke durishe. Yete Chajun ke arrest kurishe koishe.

Taikhan khobor pai kina, Police khan para duita jaga te hamla kurishe koishe. Yete taikhan para 4 drugs bika manu ke arrest kurishe. Aru yete 3da toh maiki ase. Taikhan para 53.13 grams Heroin drugs aru Rs 1,25,000 poisa paishe koishe taikhan laga haat para.

Aru Police khan parabi Nyigam Colony te hamla kurishe. Yete muta maiki, Rana Thapa (29) aru Yami Rabo (25) toh Assam laga Gogamukh te thakhea manu ase koishe. Police Team khan para 25 pastic daba paishe taikhan laga ghor te. Yete 28.73 Grams Heroin thakhishe. Aru Rs 45,000 bi paishe, taikhan laga haat para. Case [u/s 21(b)/27/27A of the NDPS Act] laga bitor te registered kuri dishe koishe Naharlagun police station te.

Police khan para Dulena Begum (33) aru Amirjan Begum (36) laga ghor te hamla kurishe koishe, Naharlagun te. Yete taikhan para 24.4 grams Heroin drugs paishe. Aru taikhan laga haat para Rs 80,000 cash bi paishe. Yete case [u/s 31(b)/27/29 of the NDPS Act] te registered kuri dishe koishe.