May 26, 2025: Assam Police khan para yete Tata hari kina thakhea toh paishe koishe. Aru yete chor kurea khan laga haat para, 54 Fridge toh paishe koishe. Etu te Charjun ke arrest kurishe koishe, yete Tata laga driver kebi kurishe Sribhumi te.
Report laga hisab te, Company laga tata toh 54 fridge nishina Guwahati para Agartala te ani thakishe koishe. Hoilebi Assam te gushi shele harishe koishe. Enika harea toh chinta hoi kina malik para Badarpur Police Station te complaint dali dishe koishe.
Etu Complaint loi kina, Police khan para operation toh suru kurishe. Yete taikhan Bhanga Jaga phane para rasta te tata toh durishe koishe. Yete tarika loi kina Police khan Arunachal jaga laga Cachar District, ghor ekta te hamal kurishe, yete taikhan chor kurea laga fridge khan toh paishe koishe.
Etu operation te charjun ke durishe koishe, Abu Salim Barbhuiya, Jabir Iqbal Laskar, Abu Sajjad aru tata driver Jabir Hussian taikhan sob ke Silchar para durishe koishe.
Add Comment