Assam, 27 May : Assam Government officially dissolve kori dise Bureau of Investigation (Economic Offences), ba BIEO, aru etu Directorate of Vigilance & Anti-Corruption, Assam logot merge kori dise. Etu step loi dise investigative kaam khon bishi efficient banabo aru economic offence laga investigation te structure laga problem hataibo karone.
Governor of Assam laga official notification hisab te, etu faisla public service laga bhal khatir loi dise. Etu decision turanth effect te lagu hobo, aru BIEO independent investigative unit hiseb te exist nokoribo.
BIEO under te thaka sob post — juntu already occupied ase — Directorate of Vigilance & Anti-Corruption te transfer hobo, logot post te thaka officer khon bhi. BIEO laga sob asset, jiman vehicle, office file aru equipment ase, etu bhi new directorate te transfer kora hobo. Kintu BIEO under te jiman khali post ase, IPS aru APS cadre chara, etu turanth effect te abolish kora hobo.
Etu notification ekta dangor change loise Assam laga white-collar crime fight kora system te. Directorate of Vigilance & Anti-Corruption, juntu already public servants logot corruption-related case handle kore, etiya BIEO laga responsibility bhi loi lobo.
Add Comment