Dibrugarh, April 16 : Arunachal Pradesh laga assembly election nimitey olop din hey baki thaka homoitey, etu rajya para asurit kuridiya reports olaisey kuntu te election laga mamla te NSCN-KYA shamil asey koikina koi asey.
Arunachal Pradesh laga bhitor manu khan laga khatra thaka Longding district laga Longding Pumao koikina voting hobole thaka jag ate, NSCN-KYA bhitormanu group para dhomki dikina vote diya manu khan ke ekjun candidate ke support kuribole majbur kuri asey.
Arunachal Pradesh laga Longding Pumao assembly constituency under te thaka busti khan bhitor te dhomki dikina leaflet(kagos) bhak kuri asey.
Etu opor te, NSCN-KYA logotey jurikina thaka bhitormanu group khan ke Longding Pumao under te thaka Niuasa, Longkhaw, Mintong aro Longphong nisna busti khan te dikhisey, kotey etu bhitormanu khan para manu khan ke bunduk dikhaikina National People’s Party (NPP) candidate, Thangwang Wangham ke vote dibole dhomki di asey. Sources para agey barikina dikhaisey ki etu bhitormanu khan tu khas kurikina BJP leader aro worker khan ke target kuri asey. Taikhan ke ya toh NPP candidate Thangwang Wangham ke vote dibole nohoile biya natija jhelibole warn kurisey.
Add Comment