Imphal, April 16 : All Manipur Petroleum Products Transporters’ Association (AMPPTA) aro All Manipur Petroleum Products Drivers Association (AMPPDA) para milikina National Highway 37 fale Tuesday(April 16) te tail laga tanky te hamla kora laga ghotna ke condemn kurisey.
Etu association khan para rajya laga sarkar ke national highway fale aha juwa kora truck driver nimitey security tight kuribole demand kurisey.
National Highway 37 laga Kamai osor te thaka Tolen te oil tanker te hamla huwa laga monduk ghotna picheyte, AMPPTA aro AMPPDA para Tuesday te Chief Minister N Biren Singh ke lok kurisey.
Etu association khan tu driver khan para jhela insecurity aro risk jataisey, Aro national highway te aha juwa kora truck khan ke suraksit rakhibole nimitey security ke majboot banabole demand kurisey.
All Manipur Petroleum Product Transporter Association laga President, A Tamphayai para koisey ki oil tanker laga opor te badmash khan para hamla kora tu bisi monduk laga kotha asey. Etu ghotna te duijun driver jokhom hoisey aro 5ta gari barbad hoisey.
Tai para agey barikina koisey ki bisi bhak election duty kuriboel ja nimitey security protection komti hoijaisey. Etu moka laga faida uthaikina etu hamla kora laga asey. Taikhan para meeting rakha laga jawab te, CM N Biren para security protection baraidibole biswas dilaisey.
Add Comment