Guwahati, April 16 : Prime Minister Narendra Modi tu Lok Sabha election hobole ageyte Tuesday din te Assam te dui-din laga visit nimitey pungchisey.
Prime Minister Narendra Modi tu Lok Sabha election 2024 nimitey Assam laga Nalbari te campaign kuibole asey. Etu rally tu April 17 te hobole asey.
Etu majotey, Assam traffic police para rasta te gari aha juwa kora te rokh lagaisey aro district authority khan para etu ke dui din nimitey bi ekta ‘no drone fly zone’ declare kurisey.
Ekta election rally chuli thaka te kotha kora homoitey, Himanta Biswa Sarma para koisey ki PM Modi tu April 17 te BJP laga sathi AGP nimitey Nalbari te campaign kuribole asey.
Reports hisap te, PM Modi para Govt Gurdon HS School playground te Barpeta constituency laga AGP candidate Phani Bhushan Choudhury nimitey camoiagn kuribole karney ekta dangor rally address kuribo. Sources para etu bi dawa kurisey ki Modi tu GS road area te Guwahati Lok Sabha candidate Bijuli Kalita Medhi nimitey rally kuribo parey.
Add Comment