GUWAHATI: Assam toh 4 saal wala ase ke state te maiki manu oper te crimes rate toh sobse besi wala hoikena ase, koikena annual National Crime Record Bureau’s “Crime in India” 2020 report hesab te janaishe. Etu rate toh state te population 1 lakh te crimes howa toh calculated kora hesab te ase koishe. Etu khobor toh Tuesday din dak hesab te Assam te maiki manu oper te crime toh 154.3 ase, etu national rate 56.5 logot besi wala ase koishe. Odisha te 112.9 second te ase aro etu beche Delhi te 106.4 hoikena ase koishe. Etu cases registered hoikena thaka te besi wala toh “motha manuh nahoile relatives” (30%) kora ase aro etu beche maiki manu modesty” (23%) te ase. Maiki manu oper te crime 7.5% neshina toh rapes ase koishe. Assam te 2017 saal samai maki manu logot crime kora toh 143.3 cases ase aro 2018 saal te 166 aro 2019 saal te 177 thakishe koishe. Assam te maiki manu logot crimes cases toh 2019 saal te 30,025 thakishe ar 2018 saal te 27,687 thakishe koishe. Assam te rape-cum-murder/gang rape toh 26 incidents recorded hoikena ase aro etu toh India te 3rd besi wala ase, etu beche Uttar Pradesh (31) ase aro Madhya Pradesh te (27) ase koishe.
Assam: 2020 saal te maiki manu oper te sobse besi crime
