Guwahati, April 18 : Assam te 2024 Lok Sabha Election eku diktar nohoikina conduct kuribole nimitey sob tayari chuli asey.
Chief Electoral Officer (CEO), Assam laga office para Lok Sabha Election tu azadi, fair, suraksit aro shanti para conduct kuribole nimitey sob arrangement complete kurisey.
Kanoon aro beybosta te kara najar rakhibole nimitey, Election Commission of India para already Election Observer appoint kurikina asey.
Free aro fair election conduct kuribole nimitey, Election Commission of India(ECI) para order diya ke manikina CEO, Assam para live monitoring aro webcasting laga bondobos kurisey. Etu tu voting huwa din te nigrani kuribole nimitey sey.
Assam laga Phase 1 election te total 10001 Polling Station (voting hobole thaka jaga) asey, kuntu majotey 92 model polling station asey, 11 PwD-managed polling station asey aro 752 tu maiki khan laga vote dibole thaka jaga asey.
Webcasting tu sob 5509 voting station te kuribole asey. Webcasting laga through para, Election Commission of India, Chief Electoral Officer aro District Election Officer khan para voting huwa din te vting station te vote diya tu kinaka chuli asey etu sabo paribo.
Sob voting station te khabole pani, furniture, waiting shed, toilet, lighting laga bondobos, bacha khan nimitey crèche laga subidha, thik thak sign, gao thik thak nathaka aro bura-buri hoija voter khan nimitey ramp laga subidha aro voter khan nimitey poster khan display kora laga subidha khan available kuridisey.
Add Comment