Imphal, April 18 : Inner Manipur Parliamentary Constituency laga Congress Candidate, Dr. Angomcha Bimol Akoijam tu aro ekbar mushkil te fasisey. Hathyar bukhikina thaka badmash khan para April 16 te Bishnupur district laga Kumbi Khuga te tailaga election meeting te badha anidise. Dr. Akoijam laga public gathering te guli mara mari huwa tu etu second bar asey.
Etu ghotna tu 3:45 PM laga aas paas te hoisey. Juwa hapta te bi Moirang te Dr. Akoijam laga meeting chuli thaka homoitey enaka ekey ghotna hoisiley. Monduk aro gusa jataikina, Dr. Akoijam para tai kiman dhomki khai asey aro tailaga parivar laga opor te personal hamla huwa tu janaisey. Tai para koisey, “Taikhan tu amilaga ghor te tak ahikina amikey dhomki disey.”
Akoijam para koisey, “Ami hey ekta candidate asey kunke enaka target kuri asey.”
Tai para dhomki kha tu share kurikina, Akoijam para koisey, “Taikhan amilaga ghor te bunduk khan loikina ahisey. Ami ke kunba jag ate matisey. Aro kunba dusra manu khan para amikey najabo lagey koikina koisey. Election para withdraw kuribole laga pressure thaka bawajut, Akoijam para chupchap thakibole chunisey.
Rajya laga politics te gondogol chuli thaka opor te tailaga gusa jataikina, Akoijam para kunba group khan para enaka ekta party ke support kora laga tactic cholabole bon kuribole request kurisey. Tai para koisey, ‘ Etu poliics khan ke safa kurilobi aro etu letra politics aro amikhan laga rajya te ki kisim laga jhamila chuli asey etu laga opor bi kiba kuribi.”
Agey barikina Akoijam paratailaga camoaign te badha anibole laga lagatar kosis kora, tailaga meeting nimitey permission issue kora laga bawajut bi official khan para cancel kuridiya khan bi janaisey. Akoijam tu tailaga bodli anibole laga commitment te nihilikina majboot hoikina thaki asey. Tai para koisey, “Ami laga faisla tu election contest kuribole asey…Ami bodli anibole mon thakisey.’
Add Comment