Imphal, April 17 : Manipur te duita parliamentary constituency – Inner Manipur aro Outer Mnaipur(scheduled tribe nimitey reserve hoikina thaka) laga Lok Sabha election nimitey campaign kora tu Wednesday laga 4pm te khotom hoisey.
Election laga first phase tu April 19 te hobole asey, kuntu te 47 Assembly constituency shamil asey. Manipur te, total 60 assembly seat asey.
Inner Mnaipur Lok Sabha seat te 32 assembly segment thakisey aro Outer Lok Sabha seat te 28 assembly seat thakisey.
Outer Manipur PC logotey jurikina thaka 15 jaga tu April 19 te hobole thaka voting te bhak lobole asey, aro baki 13 jaga tu April 26 te.
First phase te 1404 jaga te voting huwa dikhibole asey. Kuntu te relief camp khan te buhi thaka manu khan nimitey 85 polling station bana bi shamil asey.
Pura puri 20,29,023 eligible voter, kuntu te 9,80,855 mota, 10,47,929 maiki aro 239 transgender manu shamil asey, taikhan tu duita parliamentary constituency te thaka 2955 polling station te taikhan laga vote dibole laga haak cholabole asey.
Etu electoral arena te jitibole aim kuri thaka 10jun candidate asey, kuntu te 4jun contender tu Outer Manipur PC aro 6jun Inner Manipur PC nimitey contest kuribole asey.
Outer seat te, Indian National Congress ke represent kora candidate Alfred K Arthur aro Naga People’s Front contender, Timothy Zimic majotey competition olai asey.
Etu majotey, Inner seat te main contender khan tu INC, BJP aro RPI(A) para asey. Inner seat te thaka Baki 3jun independent logotey dangor electoral presence laga kami asey.
Add Comment