Assam: Aji para curfew, dukan 2 pm te bondh

May 5, 2021. Assam Government pa ra notun SOPs (Standard Operating Procedures) toh state te Covid-19 cases besi othi-thaka nemite junaishe. Assam Government laga notun SOPs te, dukan aro business sob 2pm dak te bondh koribo. Etu oper te State te rathi curfew toh be 6pm para soruh koribo. Etu notun Assam Government laga SOPs toh Wednesday (May 5) darik para soruh hoishe. Puila laga SOPs te, bazaar jaga aro dosura business toh 6pm dak thakishe aro rathi curfew toh 8 pm para soruh thakishe. Etu oper te“city buses, intra-district, inter-district aro inter-state buses te driver ekta aro tuita(2) passengers pithor te social distancing” thakibo. “hotai din private aro Government offices toh 2pm te bondh koribo,” koikena notun SOP te janaishe. “officers logot 50% employees khan office te kam koribo”. Notun SOPs toh May 5 darik 5 am para soruh hoishe. Assam Government para state te COVID-19 positive cases besi otha nemite neum toh kara bonaishe. Monday din Assam te COVID-19 bemari para notun 29 manuh mora registered korishe. Monday din te Assam laga 11 districts te COVID-19 para manuh mora khobor paishe aro 4000 oper COVID-19 positive cases thurishe. Monday din Assam te sob melaikena 4489 notun COVID-19 positive cases thurishe. Guwahati city te 1645 cases neshina khobor paishe. Dosura districts te COVID-19 caseloads toh Dibrugarh – 460, Kamrup-Rural – 239 Nagaon – 201 and Nalbari – 201. Assam te etu 4489 notun COVID-19 cases melaikena active cases toh 26,000 oper hoishe. Assam te itya 26477 active COVID-19 cases ase. Monday din dak te Assam laga COVID-19 positivity rate toh 8.02 percent thakishe. Monday din Assam  te sob melaikena 55939 samples test lowa te 4489 cases toh thura ase koishe.