Higher Secondary Final Exam 2021 postponed

May 5, 2021. Assam Higher Secondary Education Council (AHSEC) para Higher Secondary Final Examination toh state te Covid-19 bemari halat saikena postponed korishe. Assam Higher Secondary Education Council (AHSEC) laga controller of examination, Pankaj Borthakur para exam postponement notification toh janaishe. Assam te Higher Secondary Final Examination toh May 11, 2021 para soruh hoboli thakishe. Council notification para koishe ke, “state te COVID-19 bemar nemite Higher Secretary Final Examination, 2021, 11/05/2021 para loboli thaka toh postponed hoishe.” AHSEC laga notification toh Assam education minister Himanta Biswa Sarma para junaishe. Etu akhe te Board of Secondary Education Assam (SEBA) para be High School Leaving Certificate (HSLC) Examination aro Assam High Madrassa Examination 2021 toh postponed korishe. SEBA secretary, Suranjana Senapati para koishe, notun exam darik aro samai toh state health department logot kotha kora bechete junai thiboli. SEBA laga order te koishe, “Assam te Covid-l9 halat nemite HSLC/AHM Examination 2021, 11th May, 2021 para soruh koribo thaka toh postpone hoboli fesla loishe.” April 28 darik te be Council para Higher Secondary First Year Final Examination 2021, May 4 darik te soruh hoboli thaka toh postponed korishe. Assam Higher Secondary Education Council (AHSEC) para tai khan laga pithor te exam sob toh Assam laga Covid19 halat nemite postponed korikena ase. Higher Secondary first year examination postpone koriboli fesla lowa toh Council para April 28, 2021 te meeting thaka beche Council’s controller of examination Pankaj Borthakur para juanishe.