Guwahati, April 16 : Reliance Industries chairman Mukesh Ambani laga chutu chokra Anant Ambani tu Tiesday (April 16) te Assam laga Guwahati seher te thaka Kamakhya mandir visit kurisey.
Anant Ambani tu Assam laga Guwahati seher te pungcha picheyte tight security laga bich te sidha Kamakhya mandir fale jaisey.
Tai para etu saal laga July moina te Radhika Merchant logotey shaddi hobole thaka nimitey Goddess Kamakhya laga asirvad mangisey.
Assam laga Guwahati seher laga Nilachal Hill opor te thaka, etu Kamakhya Mandir tu desh laga sobsey pavitra aro izzadar jaga majotey ekta asey.
Hindu Goddess Kamakhya ke dedicate kora etu mandir tu dhormic energy laga ekta shaktishali centre asey koikina maney, kotey puja kora manu aro berabole aha manu khan asirvad aro mon laga shanti bisarey.
Kamakhya Mandir te pungcha picheyte, Anant Ambani para Goddess Kamakhya ke namaskar kurikina tailaga future kaam khan nimitey aro shaddi nimitey bi asirvad mangisey.
Anant Ambani aro Radhika Merchant laga shaddi hobole thaka tu bisi manu laga attention capture kurisey. Etu shaddi tu dhum dham para hobole asey.
Add Comment