Meghalaya Congress chief Vincent Pala tu Lok Sabha race te eight sobsey amir candidate

Shillong, April 15: Meghalaya laga Shillong constituency para Lok Sabha MP Vincent H Pala tu India laga sobsey amir sitting parliamentary majotey ekta asey. Etu tu association of democratic reforms (ADR) para olop din ageyte ekta analysis conduct kora picheyte reveal hoisiley. Sitting Shillong MP Vincent H Pala, kun Congress party laga Meghalaya unit laga president bi asey, tai tu ahibole thaka Lok Sabha election  te eight sobsey bisi amir candidate olaisey. ADR analysis laga hisap te, Meghalaya Congress leader Vincent H Pala logotey total Rs 125 crore laga dhon asey. Analysis laga hisap te, Pala tu Rs 1,25,81,59,331 crore dhon laga malik asey. Pala laga asset (dhon) te, Rs 2,51,59,331 crore tu moveable asset asey aro Rs 1,23,30,00,000 crore tu immovable (hila hili kuribole napara) laga asset asey. Vincent H Pala tu 2009 Lok Sabha election jitiya picheyte 4 bar MP hoisey. Etu ageyte, tai tu Meghalaya public works department (PWD) TE 2000 aro 2008 laga majotey assistant chief engineer hoikina kaam kurisiley.  Etu majotey, NPP leader Agatha Sangma kun Tura Lok Sabha constituency para current MP asey, tai logotey Rs 52,78,453 laga hila hili kuribole napariya property, including bank account, gari aro sona thakisey. Etu opor te, tailogotey Rs 2,87,17,525 laga mati aro ghor bi asey. ADR para release kora recent data para dikhaisey ki former Madhya Pradesh Chief Minister Kamla Nath tu sobsey amir candidate asey. Tai tu Chhindwara para contest kuri asey aro tailaga total asset tu Rs 716 crore laga asey.